سەرۆکی ئەرجەنتین میسی بێدەنگ دەکات

ئەلبێرتۆ فێرناندێزی سەرۆکی وڵاتی ئەرجەنتین لە لێدوانێکیدا کە تەلەڤزیۆنی TNTsportی وڵاتەکەی بڵاویکردووەتەوە، ستایشی دییەگۆ مارادۆنا دەکات و بە یاریزانێکی دەگمەنی ناودەبات.

فێرناندێز دەڵێت” هەرگیز کەسێکی هاوشێوەی مارادۆنام نەبینیوە، هەمووکات جیاوازی لە نیوان میسی و مارادۆنا دەکرێت، بەڵام ئەوە نادادپەروەرییەو هەردووکیان دوو یاریزانی جیاوازن و لە دوو سەردەمی  جیاوازدا یارییان کردووە، مارادۆنا هێز و توانای هەبوو، ئەو سەرۆک بوو،  نایابە کاتێک تۆ مارادۆنا دەبینیت، ئەو سەرسوڕهێنەر بوو”.

دەشڵێت” هیچ یاریزانێکم نەبینیوە ئەوەی مارادۆنا ئەنجامی داوە ئەنجامی بدات، من ئەمڕۆ نامەوێت هاندەرانی میسی لە من زوویربن،ئەمڕۆ میسی لەسەردەمێکی تردا دەژی، لە تۆپی پێیەکی تردا، مارادۆنا 10یاریزان لەسەر شانی دەنێت و یارییەکان دەباتەوە، بە دڵنیاییەوە ئەو باشترین یاریزانە کە من بینیبێتم”.