ماکرۆن هاوکاری مرۆیی بۆ ئەرمینیا دەنێرێت

SNN

ئیمانوێل ماکرۆنی سەرۆکی فەرەنسا شانبەشانی ئەرمینیا دەوەستێتەوە راشیگەیاند: دوای ڕاگەیاندنی ئاگربەست لە ناگۆرنۆ قەرەباغ لە کۆشکی سەرۆکایەتی فەڕەنسا پێشوازی لە نوێنەرانی ئەرمینیا کرد، بەڵێنی پێدان یارمەتی مرۆیی بۆ یەریڤان بنێرێت.

کۆشکی سەرۆکایەتی ڕایگەیاند فەڕەنسا بەنیازە لە ڕۆژانی داهاتوودا یارمەتی مرۆیی بۆ ئەرمینیا بنێرێت، هەروەها ماکرۆنیش ئاماژەی بەوەدا بەردەوام دەبێت لە هاریکارییە تەندروستییەکان لەگەڵ ئەرمینیادا، شاندێکی تەندروستیش ڕەوانەی ئەرمینیا دەکات، فەڕەنسا لەم کاتە قورسەدا لە پاڵ ئەرمینیادا دەوەستێت و هاوڕێیەتیە مێژووییەکەی لەگەڵیدا نوێ دەکاتەوە.

سێشەممەی رابردوو پاریس داوای کرد چارەسەرێکی سیاسیی هەمیشەیی بۆ ململانێکانی نێوان ئازەربایجان و ئەرمینیا بدۆزرێتەوە بەشێوەیەک ڕەوش و بارودۆخی دانیشتوانی ئەرمەنەکان لە ناگۆرنۆ قەرەبا‌غ بپارێزێت و هەروەها ئەو دەیان هەزاران کەسەی کە بەهۆی ململانێکانەوە هەڵهاتوون بگەڕێنەوە شوێنەکانیان.