سەرۆکایەتی کۆماری عێراق بەیاننامەیەک لەبارەی تێپەڕاندنی یاسای قەرز بەبێ بەشداری كورد بڵاوكردەوە
د. بەرهەم ساڵح سەرۆککۆماری عێراق
SNN
هەینی 13ی تشرینی دووەم بەرهەم ساڵح، سەرۆككۆماری عێراق بەیاننامەیەكی لەبارەی تێپەڕاندنی یاسای قەرز بەبێ بەشداری كورد بڵاوكردەوە و رایدەگەیەنێت، تێپەڕاندنی یاساكە بێ كورد پێشینەیەكی مەترسیدارە، دەشڵێت،”دابینكردنی مووچەی فەرمانبەران لە عێراق بەبێ چارەسەری مووچەی فەرمانبەرانی هەرێم كارێكی ناتەواوە”.
ئاماژە بەوەشکراوە “هەرچهنده یاسای پڕکردنهوهی کورتهێنانی دارایی کارێکی پێویست بو بۆ دابینکردنی مووچهی فهرمانبهران بۆ سێ مانگی داهاتوو، بهڵام لهگهڵ ئهوهشدا پهنابردن بۆ قهرز چارهسهرێکی بەردەوام نییه. بۆیە جهخت لهرێگهچارهیهکی بنهڕهتی دهکهینهوه که رێگه لهدوباربونهوهی قهیرانی مووچهی فهرمانبهران بگرێت، چونکه قەرزکردن بهتهنها بهس نییه بۆ رووبهڕووبوونهوهی ئهم قهیرانه، بهڵکو پێویسته پشت به چاکسازیهکی گشتیر ببهسترێت بۆ چارهسهری ریشهیی قهیرانهکه و پارێزگاری له مووچهی فهرمانبهران وهکو ئهولهویهتێکی بێچهندوچون.”
دەقی راگەیەندراوەكە:
راگەیەندراوی سەرۆکایەتی کۆماری عێراق سەبارەت بە پەسەندکردنی یاسای پڕکردنهوهی کورتهێنانی دارایی
هەرچهنده یاسای پڕکردنهوهی کورتهێنانی دارایی کارێکی پێویست بوو بۆ دابینکردنی مووچهی فهرمانبهران بۆ سێ مانگی داهاتوو، بهڵام لهگهڵ ئهوهشدا پهنابردن بۆ قهرز چارهسهرێکی بەردەوام نییه. بۆیە جهخت لهرێگهچارهیهکی بنهڕهتی دهکهینهوه که رێگه لهدووباربوونهوهی قهیرانی مووچهی فهرمانبهران بگرێت، چونکه قەرزکردن بهتهنها بهس نییه بۆ رووبهڕووبوونهوهی ئهم قهیرانه، بهڵکو پێویسته پشت به چاکسازیهکی گشتیر ببهسترێت بۆ چارهسهری ریشهیی قهیرانهکهو پارێزگاری له مووچهی فهرمانبهران وهکو ئهولهویهتێکی بێچهندوچوون.
بهڵام بهداخهوه ئهم یاسایه بێ رهچاوکردنی سازانی نیشتمانی، بهدیاریکراویش بهبێ خواستی کورد پهسهندکرا و تێپهڕێندرا . ئهمهش پێشینهیهکی مهترسیداره لە کاری سیاسی عێراقدا. دابینکردنی مووچهی فهرمانبهران له عێراق بهبێ چارهسهری مووچهی فهرمانبهرانی ههرێم کارێکی ناتهواوه چونکه ئهوانیش هاووڵاتی عێراقن و مافهکانیان لهدهستووردا جێگیرکراوه. لهم چوارچێوهیهدا دووپاتی دهکهینهوه پێویستە فهرمانبهران و تهواوی هاووڵاتیان بهدووربن لهو ململانێی سیاسیهی که وڵاتی بهم رۆژه گهیاندووه.
لێرهشهوه تهئکید لهچارهسهرکردنی کێشه ههڵواسراوهکانی نێوان حکومهتی فیدراڵ و ههرێم دهکهینهوه، بهدیاریکراویش دۆسیهی نهوت و رێکخستنهوهی بهشێوهیهکی شهفاف و بهگوێرهی دهستوور که دادپهروهری و مافی هاووڵاتیبوون بۆ ههموو عێراقیهکان دهستهبهر بکات.
ئهو ههلومهرجه ههستیارهی ئێستا وڵاتهکهمان بهخۆیهوه دهبینێت، لهههموو لایهکمان دهخوازێت که یهکریزو ههماههنگ بین و دووربین له وروژاندنی تایفی و نهتهوهپهرستی، میللهتهکهمان دهیهها ساڵ نههامهتی چهشت بهدهست ئهم جۆرە گوتار و سیاسهتهوه و نهبوونی حوکمڕانیهکی دروست دورکهوتنهوه لهبنهمای هاوڵاتی بوون.
سەرۆكایەتی كۆماری عێراق
13/11/2020
