لە 15%ی داهاتی شارەوانییەكان بۆ پرۆژە خزمەتگوزارییەكان دەگەڕێتەوە
قیرتاوکردن
SNN
ساسان عەونی وەزیری شارەوانی و گەشتوگوزاری هەرێم لە کۆنگرەیەکی رۆژنامەوانیدا لە شاری دهۆک رایگەیاند: لە كۆبونەوەیەكیدا لەگەڵ پارێزگاری دهۆك و سەرۆكی ئەنجومەن و ژمارەیەك بەرپرسی دیكەی دامودەزگا حكومییەكانی پارێزگەكە، تیشكی خستە سەر 15%ی داهاتی شارەوانییەكان و ئاماژەی بەوەشکرد کە دەگەرێتەوە بۆ پرۆژە خزمەتگوزارییەكان.
وەزیری شارەوانی ئاماژەی بەوەکرد: گەڕانەوەی %15ی داهاتی شارەوانییەكان لە ماوەیەكی زۆر نزیكدا جێبەجێدەكرێت، گەڕانەوەی 15%ی داهاتی شارەوانییەكان وا دەكات كە دامودەزگەكانی شارەوانی لە پێناو بەرەوپێشچوونی ئاستی خزمەتگوزارییەكان، دەستكراوەتربن و لە ماوەیەكی نزیكدا ئەو داهاتی 15%ی شارەوانییەكان دەگەڕێتەوە بۆ جێبەجێكردنی پرۆژەكانی شارەوانی و زیاتر دەتوانن خزمەتی هاووڵاتییان بکەن.
