بەرپرسێکی ئەمریکی: ترەمپ ویستوویەتی هێرشبکرێتەسەر وێستگەیەکی ئەتۆمی ئێران
WASHINGTON, DC - JULY 26: U.S. President Donald Trump speaks to members of the press during a signing of a “safe third country” agreement in the Oval Office of the White House July 26, 2019 in Washington, DC. The U.S. and Guatemala signed the agreement to require asylum-seekers to request protection in Guatemala first. (Photo by Alex Wong/Getty Images)
SNN
بەرپرسێکی ئەمریکی بۆ میدیاکانی ئاشکراکردووە: ترەمپ هەفتەی رابردوو لە کۆبوونەوەیەکیدا بژاردەی هێرشکردنەسەر سەرەکیترین وێستگەی ئەتۆمی ئێرانی تاوتوێکردووە و لەلایەن وەزیری بەرگری ئەمریکا بە وەکالەت و چەند بەرپرسێکی دیکەوە لەو پلانە پاشگەزکراوەتەوە.
ئەو بەرپرسە ئەمریکییە کە نەیویست ناوی ئاشکرابکرێت بە رۆژنامەی نیویۆرک تایمزی ئەمریکی راگەیاندووە: هەفتەی رابردوو ترەمپ لە نوسینگەکەی لە کۆشکی سپی لەگەڵ مایک پێنس جێگری سەرۆک، مایک پۆمپیۆ وەزیری دەرەوە، کریستۆفەر میڵەر وەزیری بەرگری ئەمریکا بەوەکالەت، فەرماندە مارک مایڵی، سەرۆک ئەرکانی ئەمریکا کۆبوونەوەیەکی ئەنجامداوە و خواستی خۆی نیشانداوە بەوە ئەمریکا بۆردومانی وێستگەیەکی ئەتۆمی ئێران بکرێت بەڵام بەرپرسانی ئەمریکا لەوە پاشگەزیانکردووەتەوە.
لەو راوێژەدا بەرپرسانی ئەمریکا پێیان راگەیاندووە، هێرشێکی لەوجۆرە مەترسی دروستبوونی شەڕێکی گەورەی لێدەکەوێت. هەر لەوبارەیەوە بەرپرسەکان چەند سیناریۆیەکیان بۆ ترەمپ باسکردووە کە لە کاتی هێرشێکی لەوجۆرەدا ئەگەری هەیە رووبدات و لەسەر بنەمای ئەو سیناریۆیانە ترەمپ بڕیاریداوە کە پلانەکەی جێبەجێ نەکات.
ترەمپ کە لە ئێستادا تەنیا دوو مانگی ماوە لەسەر کورسی دەسەڵات، هەر لە سەرەتای دەستبەکاربوونیەوە سیاسەتێکی توندی دژ بە ئێران پەیڕەوکردووە، بە کشانەوەی لە رێککەوتنی ناوەکی و سەپاندنی سزای قورس بەسەر ئێراندا بە ئامانجی وشککردنی داهاتی ئەو وڵاتە.
