ڤیدیۆ:لیڤەرپوڵ بە یەکەم و ئاتڵەنتا بە دووەم گەیشتنە قۆناغی شانزە

SNN Sport

لە کۆتا گەڕی خولی یانە پاڵەوانەکانی ئەوروپا و لە رکابەرییەکانی گروپی چوارەم، یانەی لیڤەرپوڵ و ئاتڵەنتا گەیشتنە قۆناغی شانزە، ئەمەش پاش ئەوەی هەردوو یانە ئاتڵەنتا 1-0 لە ئەجاکسی بردەوەو میدتیڵاند بەرامبەر بە لیڤەرپوڵ یەکسانبوو.

لە یەکەم یاریدا یانەی لیڤەرپوڵ لە دەرەوەی یاریگای خۆی بووە میوانی یانەی میدتیڵاند و لە ئەنجامدا هەردوو یانە 1-1 یەکسانبوون.

گۆڵی لیڤەرپوڵ محەمەد سەڵاح لە خولەکی  1 تۆماری کردوو گۆڵی میدتیڵاند سچۆڵز لە خولەکی 62 تۆماری کرد.

لیڤەرپوڵ کە پێشتر سەرکەوتنی بۆ قۆناغی داهاتوو بە دەستهێنابوو، خاڵەکانی بۆ 13 خاڵ بەرز بووەوە و بە یەکەمی گروپەکەی گەیشتە قۆناغی داهاتوو.

لە دووەم یاری ئەم گروپە، یانەی ئاتڵەنتای ئیتاڵی لە هۆڵەندا بە بردنەوەیەکی بە نرخەوە گەڕایەوە، توانی 1-0 لە یانەی ئەجاکس بباتەوەو بە دووەمی گروپی چوارەم گەیشتە قۆناغی داهاتوو.

تەنیا گۆڵی یاریەکە لویس مۆریاڵ لە خولەکی 85 تۆماری کرد.

ریزبەندی کۆتایی گروپی چوارەم:

• لیڤەرپوڵ 13 خاڵ.
• ئاتڵەنتا 11 خاڵ.
• ئەجاکس 7 خاڵ.
• میدتیڵاند 2 خاڵ.