وێنە:لە بەغدا یانەکانی کەرکوک تووشی شکست دەبن

حسێن کەرکوکی-SNN Sport

له‌ هۆڵی  شه‌عب له‌ شاری به‌غداد یارییه‌كانی قۆناغی یه‌كه‌می خولی باسكه‌ی نایابی یانه‌كانی عێراق ده‌ستیپێكردوو هه‌ردوو یانه‌کەی شاری كه‌ركوك تووشی شكست هاتن.

یانه‌ی گازی باكوور له‌ یه‌كه‌م یاری خۆیدا له‌ به‌رامبه‌ر یانه‌ی كاره‌با  به‌ ئه‌نجامی 75-55 خاڵ تووشی شکست بوو ، یانه‌ی  نه‌وتی باكوور  له‌ به‌رامبه‌ر حه‌شد به‌ ئه‌نجامێكی گه‌وره‌ دۆڕا به‌ 114-65 خاڵ.

له‌ یاریی نێوان گازی باكوور و كاره‌با له‌ نیوه‌ی یه‌كه‌می یاریه‌كه‌ یانه‌ی گازی باكوور توانی  به‌ ئه‌نجامی 33-31 خاڵ پێش بكه‌وێت،  به‌ڵام یانه‌ی كاره‌با توانی له‌ چاره‌گی سێیه‌می یاریه‌كه‌ به‌ ئه‌نجامی 54-41 خاڵ پێشبکەوێت ، یانه‌ی كاره‌با توانی پارێزگاری  له‌ باڵاده‌ستی خۆی بكات له‌ چاره‌گی كۆتایی یاریه‌كه‌ و به‌ ئه‌نجامی 75-55 خاڵ یاریه‌كه‌ بباته‌وه‌.

ئه‌نجامی یارییه‌كانی تر:

حه‌شد – نه‌وتی باكوور 114-64 خاڵ.

شوڕته‌ – حله‌ 111-58 خاڵ.

نه‌وت – نه‌وتی به‌سڕه‌ 75-43 خاڵ.