عێراق 25 ەمین وڵاتی زەرەرمەندی دەستی کۆرۆنایە

SNN

عێراق لەو لیستە هاتە خوارەوە لەڕووی زەرەرمەند بوون بە پەتای کۆرۆنا و هاتە ریزبەندی 25 لە پۆلێنی زۆرترین ئەو دەوڵەتانەی ڤایرۆسەکە زیانی پێگەیاندوون.

زانکۆی هۆبکینزلە داتایەکی نوێیدا بڵاویکردووەتەوە “بە تۆمارکردنی 538 هەزار و 118 تووشبوو تا ئەمڕۆ یەکشەممە، عێراق بووەتە 25 ەمین وڵاتی زەرەرمەند بەهۆ پەتای کۆرۆناوە”.

لە ترۆپکی حاڵەتەکەدا و لەو کاتەدا کە عێراق زۆرترین تووشبووی تۆمار کرد، ریزبەندی 19یەمینی هەبوو لە لیستی زۆرترین وڵاتانی زەرەرمەندی دەست کۆرۆنا.

زانکۆکە لە نوێترین ئاماریدا رایگەیاندووە “تاکو بەیانی ئەمڕۆ یەکشەممە 76 ملیۆن حاڵەتی تووشبوونی کۆرۆن لە جیهان تۆمار کراوە و یەک ملیۆن و 692 هەزار کەسیش مردوون”.

تا ئێستاش ویلایەتە یەکگرتووەکانی ئەمریکا لە ریزبەندی یەکەمی ئەو وڵاتانەدایە زۆرترین زیانی کردووە بە دەست ڤایرۆسی کۆرۆناوە.