دوای ئاهەنگێکی سەری ساڵ ژمارەیەک هونەرمەندی دیاری میسر تووشی کۆرۆنا بوون

SNN-

دوای بەڕێوەچوونی ئاهەنگێکی لەدایکبوون و سەری ساڵ بۆ ژنە ئەکتەر نیللی کەریم، هونەرمەندی بەناوبانگی میسری یوسرا تووشبوونی خۆی بە ڤایرۆسی کۆرۆنا راگەیاند.

لە ئاهەنگەکەدا هەریەک لە جەمال عەدل-ی بەرهەمهێنەر و ئیناس دغێدی دەرهێنەر ئامادە بوون و ئەوانیش تووشی پەتاکە بوون و خۆیان کەرەنتین کردووە.

هاوکات لەو یادەدا هونەرمەند کەریم فەهمی و نیللی کەریم تووشی کۆرۆنا بوون و لە تۆڕی کۆمەڵایەتی ئینستاگرام هەواڵی تووشبوونەکەی خۆیان بڵاوکردووەتەوە.

لە ئێستادا میسر بە قۆناغی دووەمی شەپۆلی ڤایرۆسی کۆرۆنادا تێدەپەڕێت و تووشبوونی رۆژانە لەو وڵاتە زیادیکردووە وەک وەزارەتی تەندروستی بڵاویکردووتەوە.