چاوخشاندنەوە بە لیستی زیندانیانی سیاسیدا دەکرێت

SNN

وەزارەتی کاروباری شەهیدان و ئەنفالکراوان رایگەیاند، ئەو زیندانیکراو و گیراوە سیاسییانه‌ی 10 ساڵه‌ مینحەکەیان تەواو بووە و هیچ مووچەیەکی دیكه‌یان نییە، دەبەسترێنەوە بە وەزارەتەوە.

ئه‌مڕۆ چوار شه‌ممه‌ وه‌زاره‌تی کاروباری شەهیدان وئەنفالکراوانی هه‌رێم ڕایگه‌یاند “وەزیر لەگەڵ لیژنەی نوێى پێداچوونەوە بە لیستى زیندانیانی سیاسی کۆبووەتەوە، كه‌ ئه‌و لیژنه‌یه‌ بەپێی یاسای چاکسازی پێکهاتووە”.

کۆبوونەوەکە بۆ جێبەجێکردنی پەیڕەوی ژمارە 4ی ساڵی 2020ی یاسای چاکسازی لە مووچە و دەرماڵە و بەخشین و ئیمتیازاتەکان و خانەنشینی لە هەرێمی کوردستان-عێراق ئەنجامدراوە.

ئەوەش بۆ ئەوە بووە کە ئەو زیندانییە سیاسییانەی 10 ساڵی مینحەکەیان تەواو کردووە و هیچ مووچەیەکی دیکەیان نییە، مینحەکەیان ببەسترێتەوە و بە وەزارەتەوە و بەردەوام بێت.

چاکسازییەکانی وەزارەتی شەهیدان لەکاتێکدایە هەر ئەمڕۆ مینحه‌ى 13 هه‌زار و 282 كه‌س بڕا کە به‌شێوه‌یه‌كى نایاسایی مووچه‌یان وه‌رگرتووه‌، ئاماژه‌ى به‌وه‌شكرد: “بڕیاره‌كه‌ له‌ 1ى كانونى دووه‌مه‌وه‌ ده‌چێته‌ بوارى جێبه‌جێكردنه‌وه‌”