ئیتۆ جێگرەوەی میسی لە بەرشەلۆنە دیاری دەکات

SNN Sport

ساموێل ئیتۆی کامیرۆنی و هێرشبەری پێشووتری یانەی بەرشەلۆنە،شوێنگەرەوەی میسی لە یانەی بەرشەلۆنە ئاشکرا دەکات و دەڵێت:” ئەو کەسەی شوێنی میسی لە بەرشەلۆنە دەگرێتەوە، ئانسۆ فاتییە، ئەم یاریزانە داهاتووی بەرشەلۆنەیە، ئەو لە ئێستادا کاری سەرسوڕهێنەر دەکات،بۆیە پێموایە یانەکە بە ڕاستی پێویستی بەوەیە کە باش ئاگاداری بێت”.

دەشڵێت:” هیوای ئەوەم هەیە ئەم یاریزانە ئەوکەسە بێت کە بەرپرسیارێتی لیۆنێل میسی دەخاتە ئەستۆی خۆی لە داهاتوودا”.

لەسەر هەردوو راهێنەر گواردیۆلا و مۆرینیۆ دەڵێت:” من شێوازی یاریکردنی مۆرینیۆم پێباشترە تا گواردیۆلا،ئەوان شێوازی تایبەت بە خۆیان هەیە لەسەر یاریگا،بەڵام من وەکوو خۆم شێوازی یاریکردنی مۆرینیۆم پێباشترە، لەگەڵ ئەوەشدا گواردیۆلا راهێنەرێکی بێوێنەیە، بەڵام دەتوانم ئەوە بڵێم کە هیچ راهێنەرێکی تر نیە بتوانێت وەکوو خۆسیە مۆرینیۆ هاندەری یاریزانەکانی بێت، بە نسبەت منەوە سێ نازناوە گەورەکە کە لەگەڵ ئینتەرمیلان بردومەتەوە تایبەتە”.

ئیتۆ توانیویەتی نازناوی خولی یانە پاڵەوانەکان لەگەڵ ئەم دوو راهێنەرە لە یانەکانی بەرشەلۆنە و ئینتەرمیلان بباتەوە.