ئەمریکا ژمارەیەک فڕۆکەوان بۆ ئەرکێک دەهێنێتە عێراق

SNN
ویلایەتە یەکگرتووەکانی ئەمریکا بەنیازە ژمارەیەک فڕۆکەوانی سەربازیی خۆی بۆ چەند ئەرکێک بۆ ماوەی 9 مانگ لە عێراق و کوێت جێگیر بکات.

گاردی نیشتمانیی ئەمریکا لە ویلایەتی مینیسۆتا بەمیدیای وڵاتەکەی وتووە “زیاتر لە 60 فڕۆکەوان و یاریدەدەری فڕۆکەوان بەرەو عێراق و کوێت بەڕێکەوتوون بۆ ئەرکێک کە ماوەی 9 مانگ دەخایەنێت لە چوارچێوەی ئۆپراسیۆنەکانی (عەزم و درع)دا”.

ڤنسنت جۆنسیۆر فەرماندەی هێزێکی ئەمریکی لە بەیاننامەیەکدا دەڵێت “لەمیانی جموجۆڵەکانماندا بە هێلیکۆپتەری سی ئێچ 47ی شینۆک بە ئەرکەکانمان هەڵدەستین و پشتیوانیی هێزی پیادە دەکەین”.