بومەلەرزە لە عێراق زیادی کردووە و تەنیا لە هەفتەی رابردوو 13 دانە تۆمارکراوە

SNN

چاودێری بومەلەزەی عێراقی سەر بە بەڕێوەبەرایەتی کەشناسی و بوومەلەرزە راگەیاند: ماوەی هەفتەیە چالاکی بوومەلەرزە لە عێراق زیادیکردووە بەتایبەت لە سنووری نێوان عێراق سوریا.

حسێن جاسم بەرێوەبەری چاودێری بومەلەرزە لە عێراق رایگەیاند: لە ماوەی هەفتەی رابردوودا تا ئەمڕۆ ئامێرەکانی چاودێری بوومەلەرزە 13 دانەیان تۆمارکردووە لە سنووری نیوان عێراق و سوریا ئەمە جگە لەو بومەلەرزانەی کە لە سنووری نێوان عێراق و ئێران روودەدات.

جاسم ئەوەشی روونکردەوە، بەشێکی زۆری ئەو بومەلەرزانە پلەکەی لە نێوان 2 بۆ 5 پلەی رێختەردا بووە، بەشێکی زۆری هاووڵاتییانی ناوچە سنوورییەکان بە ئاسای هەستیان بە شێک لەو بوومەلەرزانە کردووە، بە پێی ئامارەکان ژمارەی بوومەلەرزەکان بەشێوەیکی گشتی لە دوو مانگی سەرەتای ئەمساڵدا لە پار زیاترە.