“هەرکەسێک بڵێت تورکیا دیلەکانی لە گارە کوشتووە لێکۆڵینەوەی لەگەڵدا دەکرێت”
The eight Turkish prisoners are seen as they are released in the northern Iraqi city of Dohuk, March 13, 2013. Turkish Kurd militants freed a group of Turkish soldiers and officials they had held in the mountains of northern Iraq for more than a year on Wednesday, the first concrete step in efforts to end their 28-year-old insurgency. The six soldiers, a police officer and a local official looked in good health and wore clean clothes as they were handed to a delegation of Turkish rights activists and pro-Kurdish politicians on the remote Sargali plain. REUTERS/Azad Lashkari (IRAQ - Tags: CIVIL UNREST POLITICS) - GM1E93E036W01
SNN
سەرۆکایەتی داواکاری گشتی ئەنقەرە بڕیاریداوە بە لێپرسینەوە لە هەرکەسێک کە لە تۆڕەکۆمەڵایەتییەکان باس لەوەدەکات “13 دیلی تورک لە بۆردومانێکی تورکیادا لە چیای گارە کوژراون”.
میدیاکانی تورکیا بڵاویانکردووەتەوە: بەشێک لە بەکارهێنەرانی تۆڕە کۆمەڵایەتییەکان لە تورکیا وتوویانە کە ئەو دیلانە لەلایەن تورکیاوە کوژراون و بەوهۆیەشەوە ئێستا لێکۆڵینەوەیان لەگەڵدا دەکرێت، دوو پەرلەمانتاری هەدەپەش لەنێو ئەو کەسانەدان بەناوەکانی هودا کایا، عومەر فاروق.
داواكاری گشتی ئهنقهره، دهڵێت: دوای دەستنیشانکردنی بڵاوکراوەی وەکو “تورکیا کەمپی دیلەکانی بۆردومانکردووە”و ھاوشێوەکانی لەگەڵ بڵاوکردنەوەی گرتەی ئەو ھاوڵاتییانەی کە پێشتر لەلایەن پەکەکە/کەجەکەوە دهستگیركراون، لە “چوارچێوەی ماددەی 7/2ی یاسای بەرەنگاربوونەوەی تیرۆر، بە تۆمەتی بانگەشەکردن بۆ رێکخراوی تیرۆریستی و لە چوارچێوەی ماددەی 301ی یاسای سزاکانی تورکیا، بە تۆمەتی سوکایەتیکردن بە گەلی تورک، دەوڵەتی کۆماری تورکیا، دامەزراوه و بەشەکانی دەوڵەت، لێپرسینەوە لەو کەسانەی کە ئەو گرتانە بڵاودەکەنەوە، دەستیپێکردووە”.
13 دیلی تورکیا کە پۆلیس و سەرباز و میتیان لەنێودابووە، لەمیانی شەڕ و پێکدادانەکانی هێزەکانی تورکیا و گەریلاکانی پەکەکەدا کوژراون و ئەو دوو لایەنەش یەکتری بە کوشتنی ئەو کەسانە تۆمەتباردەکەن.
كۆما جڤاكێن كوردستان، كهجهكه، رایگەیاند، تورکیا لە چیاى گارە لە ڕێگەى فڕۆکەکانیەوە سەرجەم دیلەکانى خۆى کوشت و بۆردوومانی ئهو شوێنهی كردووه كه سهربازه دیلهكانی خۆی لێبووه.
خولوسی ئاکار وەزیری بەرگری تورکیا لە راگەیەندراوێکدا پەکەکەی بە کوژرانی ئەو دیلانە تۆمەتبارکرد و وتی: “بەگوێرەی لێکۆڵینەوە سەرەتاییەکانمان 13 هاووڵاتی بێتاوانی بێچەکی تورکیا گولەبارانکران، 12 لەو کەسانە فیشەک نراوە بە ناوچەوانیانەوە و یەکێکی دیکەش فیشەک بەر شانیکەوتووە و دواتر تەرمەکانیان لەلایەن هێزەکانی تورکیاوە دۆزرانەوە”.
