سەرۆکی پەرلەمانی کوردستان لەسەر حوکمدانی 6 چالاکوان لەلایەن دادگاوە روونکردنەوە دەدات

SNN

سەرۆكی پەرلەمانی كوردستان، لەبارەی زیندانیكردنی شەش چالاكوانەكەی بادینان رایدەگەیەنێت: “هیوادارم بێ متمانەیی بە دەسەڵاتی دادوەریی تۆختر نەكەنەوە”.

د. رێواز فایەق لەكاردانەوەی بڕیارەكەی دادگای هەولێر بە سەپاندنی شەش ساڵ زیندانی بەسەر چالاكوانەكانی بادینان، پەیامێكی بڵاوكردەوەو تێیدا رایگەیاندووە، باوەڕی نەگۆڕم بە پرەنسیپی جیاكردنەوەی دەسەڵاتەكان هەیە، بەڵام ئەوەی لە پەرلەمانتارانم بیستووە سەبارەت بە دادگاییكردنی ئەمڕۆی بەندكراوانی بادینان، دادگای پێداچوونەوەی هەرێمی كوردستان دەخاتە بەردەم بەپرسیارێتییەكی قورس”.

رێواز فایەق سەرۆكی پەرلەمانی كوردستان راشیگەیاندووە، هیواخوازم ئەوان بێ متمانەیی بە دەسەڵاتی دادوەریی تۆختر نەكەنەوە.

ئەمڕۆ 16-2-2021، دادگای دووی هەولێر، سزای شەش ساڵ زیندانیكردنی بەسەر چالاكوانانی بادینان شێروان شێروانی، شڤان سەعید، ئەیاز كەرم، هەریوان عیسا و گۆهدار زێباری سەپاند، كە بەهۆی ئەو تۆمەتانەی خراوەتەپاڵیان، ماوەیەكە دەستگیركراون.