ئێران و رووسیا و تورکیا ئەزموونی خۆبەڕێوەبەریی لە سوریا رەتدەکەنەوە

SNN

بەشداربووانی کۆبوونەوەکانی سوچی کە تورکیا و رووسیا و ئێرانن، رەتیدەکەنەوە لەژێر پاساوی تیرۆردا ئیدارەی سەربەخۆ لە باکور و خۆرهەڵاتی سوریا پێکبهێنرێت.

هەریەک لە رووسیا و تورکیا و ئێران رەتیدەکەنەوە دەستوەردانی دەرەکیی لە ئیش و کاری لیژنەی داڕشتنەوەی دەستوری سوریا بکرێت، لەنێویاندا سەپاندنی وادەی دیریکراو بۆ کۆتاییهێنان بە کارەکانیان.

لە بەیاننامەیەکی هاوبەشدا ئەو سێ وڵاتە لە کۆتایی گەڕی 15یەمی دانوستانی سوچیدا رایانگەیاندووە “نابێت دەستوەردانی دەرەکیی لە کاری لیژنەکەدا هەبێت و دەبێت هەرچی زووە بگەن بە سیغەیەکی باوەڕپێکراو بۆ کۆتاییهێنان بە قەیرانی سوریا”.

ئاماژەیان بۆ ئەوەشکردووە، سەقامگیری باکور و خۆرھەڵاتی سوریا، نابێت لەسەر حسابی یەکپارچەیی خاکی سوریا و ئاسایشی نیشتمانی وڵاتانی دراوسێ بێت.

راشیانگەیاندووە، ھەر دەستپێشخەرییەک بۆ دروستکردنی ھەرێمێکی سەربەخۆ لە ناوچەی (فورات)، لەژێر پاساوی رووبەڕووبوونەوەی تیرۆر رەتدەکرێتەوە.