ژمارەیەک پەرلەمانتار دژی سزاکەن… ههڵهی یاسایی ههیه له حوکمدانی چالاکوانان
پەرلەمانی-کوردستان
SNN
دژی حوکمدانی 6 چالاکوانەکەی بادینان، 31 پهرلهمانتاری ههرێمی كوردستان نامهیهكی كراوه بۆ دادگای (پێداچوونهوهی ههرێمی کوردستان) دهنێرن و دەڵێن “ههڵهی یاسایی ههیه له تۆمهتباركردنیانو دواجار ستهملێكراوی پڕۆسهی دادوهرین”.
لە درێژەی نامەکەدا ئهو پهرلهمانتارانه له سهرهتای نامه كراوهكهیاندا دهڵێن، پێشتر سهرۆكی حكومهت بڕیاری پێشوهختهی دابوو كه ئهم هاووڵاتیانه كاری گێرهشێوێنییان ئهنجامداوه و ههوڵیانداوه تهقینهوه بكهن و ئارامی خهڵك بشێوێنن، كاتێك بڕیاری دادگامان بینی، پێمان سهیربوو سزاكان هاوتای بۆچوونی بهرپرسێكی گهورهی دهسهڵاتی جێبهجێكردنن كه پێشترو پێش بڕیاری دادگا، بڕیاری تاوانبارییانی دابوو!
ئاماژه بۆ ئهوهشدهكهن، ئێمه كه له خوارهوه ناومان هاتووه، وهك ئهركێكی ئهخلاقی، مرۆڤانه و نیشتیمانیانه و له پێناو بهرژهوهندی گشتی و لابردنی ههستی ستەملێکراوی لهسهر خۆیان و كهس و كاریان، به پێویستی دهزانین لهم نامه كراوهیهدا داوا له ئێوهی بهڕێز بكهین، زۆر به ههستیارییهوه پیاچوونهوه به دۆسیهی سزای سزادراوانی ناوهێنراودا بكهن، چونكه ئەم سزایە لهگهڵ بنەما دەستورییەکانو بنهماكانی مافی مرۆڤو ئامانجهكانی ڕاپهڕینی بههاری ساڵی (١٩٩١)ی خهڵكی كوردستان بۆ ئازادیو ئازادی ڕادهربڕینو كاری سیاسی یهك ناگرێتهوه.
ئه پهرلهمانتارانه كه پێكهاتهی چهند فراكسیۆنێكن رایدهگهیهنن، سزادراوان له پڕۆسهی ڕاگرتنو لێكۆڵینهوهدا به ستهم لێكراو دهزانینو ئهو مافانهیان بۆ دهستهبهر نهكرابوو كه ههر هاووڵاتیهكی تۆمەتبار به پێی یاسا مافیهتی، ههروهها پێمان وایه ههڵهی یاسایی ههیه له تۆمهتباركردنیانو دواجار ستهملێكراوی پڕۆسهی دادوهرین، ههربۆیه لهم بوارهدا چاوهڕوانی ههڵوێستو بڕیارو كاری دادوهرانهی ئێوهی بەڕێز دهكهین، ئهوهش له پێناو گێڕانهوهی ماف بۆ مافخوراوانو پارێزگاریكردن له پڕهنسیپه گشتییهكانی ئازادیو مافی مرۆڤ له كوردستانو بهرپاكردنی دادگهریی.
ئهندامانی پهرلهمانی كوردستان:
1. عەبدولستار مەجید.
2. لوقمان وەردی.
3. عەلی حەمەساڵح.
4. د.کازم فاروق.
5. ئەبوبەکر هەڵەدنی.
6. سەرکۆ ئازاد گەڵاڵی.
7. هاوڕێ مەلا ستار.
8. د.شایان عەسکەری.
9. عەباس فەتاح.
10. سەرچنار ئەحمەد.
11. شیرین ئەمین.
12. مژدە مەحمود موحەممەد.
13. عوسمان کانی کوردەیی.
14. ڕۆژان شەهید حەمەڕەش.
15. کاروان گەزنەیی.
16. سەلمە فاتیح.
17. شیرین یونس.
18. سیپان سالم ئامێدی.
19. کاوە عەبدولقادر.
20. شنۆ شەهید ئەشقی.
21. هەڵز ئەحمەد موحەممەد.
22. زکری زێباری.
23. هەژان شەهید حەسەن کوێستانی.
24. دابان موحەممەد.
25. ئاشنا عەبدوڵڵا قادر.
26. ڕووپاک ئەحمەد ڕەحمان.
27. موسلیم عەبدوڵڵا قەصریی.
28. د.هەورامان گەچێنەیی.
29. جەلال موحەممەد ئەمین.
30. بەدریە ئیسماعیل مەحمود.
31. عومەر عەبدوڵڵا گوڵپی.
