سەرۆکوەزیرانی ئەرمینیا: هەوڵدرا کودەتام بەسەردا بکرێت
FILE - On this Tuesday, Oct. 1, 2019 file photo Armenian Prime Minister Nikol Pashinyan attends the Eurasian Economic Council in Yerevan, Armenia. Armenia's Prime Minister Nikol Pashinian and his entire family have been infected with the coronavirus. In a Facebook statement on Monday, June 1, 2020, Pashinian said he didn't have any symptoms, but decided to get tested ahead of visiting military units, and the test came back positive. (Alexei Druzhinin, Sputnik, Kremlin Pool Photo via AP, file)
SNN
سەرۆکوەزیرانی ئەرمینیا رایگەیاند، سوپای وڵاتەکە هەوڵی داوە کودەتایەکی سەربازی بەسەر حکومەتەکەدا بکات، ئەوەش دوای ئەوەی سەرۆک ئەرکانی وڵاتەکە لێدوانی توندی لە دژی سەرۆکوەزیران دا.
گرژییەکان لەوەوە دەستیپێکرد کە فەرماندەیەکی سوپای ئەرمینیا لە پۆستەکەی دوورخرایەوە، ئەوەش نیگەرانی لەناو سوپادا دروستکرد.
سەرۆک ئەرکانی ئەرمینیا راگەیەندراوێکی بڵاوکردەوە و نیکۆل پاشینیان سەرۆکوەزیران و حکومەتەکەی تۆمەتبارکرد بەوەی “چیتر ناتوانن بەرپرسیارانە بڕیار بدەن”.
ئاماژەی بەوەشکردبوو: “ماوەیەکی زۆرە هێزە چەکدارەکانی ئەرمینیا پشوودرێژانە بەرگەی ئەو هێرشانەی گرتووە کە دەکرێتە سەری بەڵام هەموو شتێک سنووری هەیە”.
وتیشی حکومەتەکەی پاشینیان هەڵەی جددی دەکات و بەوەش ئەرمینیا بەرەو کاولکاری دەبات.
ئەم رەخنانە سەرۆکوەزیرانی نیگەرانکرد و گردبوونەوەیەکی جەماوەری بۆ لایەنگرانی رێکخست کە لە وتارێکیدا لەناو ئاپۆڕای جەماوەرەکەیدا وتی: سوپا دامەزراوەیەکی سیاسی نییە، بەڵام هەوڵیداوە دەستوەردان لە پرۆسەیەکی سیاسیدا بکات و ئەوەش قبوڵنەکراوە.
وتیشی: “هەر گۆڕانکاریەک لە دەسەڵاتدا بکرێت دەبێت لەرێگەی هەڵبژاردنەوە بێت”.
ئەم ناڕەزایەتیانەی ناو سوپای ئەرمینیا لەدوای ئەوەدێت وڵاتەکە لەگەڵ ئازەربایجان لەسەر هەرێمی قەرەباغ تووشی شەڕ و ئاڵۆزی هات و دواجار ئەو هەرێمە کەوتە دەست وڵاتی ئازەربایجان.
