ئێران دوو دەروازەی دیکەی سنووری بە ڕووی عێراقدا دادەخات

SNN

پارێزگاری خوزستانی باشووری ئێران رایگەیاند: بۆ رێگریکردن لە بڵاووبوونەوەی ڤایرۆسی کۆرۆنای گۆڕاو لە ئێران هەردوو دەروازەی سنووری “جەمیلە” و “شلامجە”یان بەڕووی عێڕاقدا بۆ ماوەی دوو هەفتە داخستووە.

وەلیوڵا حەیاتی پاریزگاری خوزستانی باشووری رۆژئاوای ئێران، لە لێدوانێکی رۆژنامەوانیدا ئەوەی روونکردەوە، بۆ ماوەی دوو هەفتە هەردوو دەروازەی “جەمیلە” و “شلامجە” بە ڕووی گەشتیارانی عێراقیدا دادەخرێت، بەڵام جوڵە بازرگانییەکان و هاتووچۆی ئابووری بەردەوامی هەیە لەژێر چاودێری پزیشکی ورد و پشکنینی PCRی کۆرۆنا.

حەیاتی ئەوەشی روونکردەوە، بەهۆی بڵاوبوونەوەی کۆرۆنای گۆڕاو بەشێوەیەکی بەرچاو لە پارێزگای بەسرە، دەروازە سنووریەکان بەڕووی گەشتیاران لەمڕۆ هەینی 26ی شوبات رادەگەیەنین و زیاتر لە 16 تاقیگە لەسەر مەرزەکان دادەنرێت تا پشکین بۆ ئەو شۆفێری بارهەڵگرانە بکات کە دێنە نێو خاکی ئێرانەوە.