لە نەيجيريا 279 کچ لە دەستی مافياکان رزگارکران
SNN
لە نەيجيريا 279 کچ ئازادکران کە لە قوتابخانەکەيان لەلايەن گروپە مافياکانەوە رفێندرابوون.
ئاژانسی فرانس پرێس لە زاری بەرپرسانی نەيجيرياوە بڵاويکردەوە:” ئەو 279 کچە لەلايەن حکومەتی نەيجيرياوە ئازادکراون و لە ئێستادا تەندروستيان جێگيرە”، بەڵام بە وتەی بەرپرسانی ئەو وڵاتە “بەهۆی دۆخی ئەمنی وردەکاری چۆنيەتی رزگارکردنی ئەو کچانە بڵاوناکەنەوە”.
هەفتەی رابردوو بەرپرسانی نەيجيريا رايانگەياند:” 317کچ لە قوتابخانەيەکی ناوەندی لەلايەن سەدان چەکدارەوە رفێندراون، بەڵام بەرپرسانی ئەو وڵاتە ئەمڕۆ ئەوەيان ڕاگەياند:” ژمارەی ئەو کچانەی ئازادکراون 279 کچە”
لە وڵاتی نەيجيريا باندەکانی تاوانکاری بەشێوەيەکی بەرفراوان بڵاوبونەتەوە بەتايبەت لە باکوری ڕۆژئاوای وڵاتەکە و ناوەندی ئەو وڵاتە، لەم ساڵانەی دوايشدا رفاندن لە پێناو پارە و پەلاماردان بەشێوەيەکی بەرچاو بەديدەکرێت.
ئەم تاوانکارييەش بەجۆرێکە لە ساڵی 2016 تا ساڵی 2020 لانيکەم 11 مليۆن دۆلار لەلايەن کەسوکاری ئەوکەسانەی ڕفێندراون دراون بە باندەکانی رفاندن.
