بارکۆد و ستیکەر لە بەرهەمێکی ناوخۆیی هەرێم دەدرێت
وێنەی بەرهەمە خۆماڵییەکە
SNN
وەزیری کشتوکاڵی هەرێم دەڵێت: “پرۆژەی دانانی بارکۆد و ستیکەر لەسەر بەرهەمی مریشکی سەربڕخانەیەکی خۆماڵی خراوەتە بواری ناساندن و جێبەجێکردنەوە”.
بێگەرد تاڵەبانی رایدەگەیەنێت: “بە دروشمی بەرەو پاراستنی بەرهەمی ناوخۆی، پرۆژەی دانانی بارکۆد و ستیکەر لەسەر بەرهەمی مریشکی سەربڕخانەی المیاسمان خستە بواری ناساندن و جێبەجێکردنەوە، لەڕێگەی بەکارهێنانی سیستەمێکی ئەلیکترۆنی زیرەک”.
دەشڵێت: “ئەم پرۆژەیە بۆ مەبەستی جیاکردنەوە و پاراستنی بەرهەمی ناوخۆ لە بەرهەمی هاوردەکراوی بیانی بەکوالێتی زۆر
باش و نرخێکی گونجاو بۆ هاووڵاتیانی هەرێمی کوردستان پێشکەشدەکرێت”.
بەوتەی تاڵەبانی، ئەم پرۆژیە یەکێکە لە پرۆژە گرنگەکانی وەزارەت و کەرتی پەلەوەری بە هەماهەنگی کۆمپانیای باکەش به چاودێری لێژنەیەکی پسپۆر بەڕێوە دەچێت بە تایبەتی بۆ بەرهەمی ناوخۆیی مریشک و پارچەکانی (10) سەربڕخانە لە هەرێمی کوردستان، کە مۆڵەتی فەرمییان وەرگرتووە، دوابەدوای جێبەجێکردنی رێنماییەکان لە وەزارەتی کشتوکاڵەوە.
