شەوی رابردوو لە یانەیەکی شەوانەی سلێمانی بەهۆی شەڕە تەقەوە دوو کەس کوژران

SNN

سامان نادر بەڕێوەبەری فریاکەوتنی خیڕانی سلێمانی رایگەیاند: شەوی رابردوو بەهۆی شەڕە تەقەوە لە یەکێک لە یانە شەوانەکانی سلێمانی لە چەق چەق دوو هاووڵاتی کوژراون و دوانی تریش بە سەختی بریندار بوون.

بەرێوەبەری فریاکەوتنی خیڕانی سلێمانی ئەوەی بۆ SNN ئاشکرا کرد: شەوی رابردوو لە یانەی شەوانەی (قەڵادزێ) لە چەق چەق کاتژمێر 1:30 شەڕ لە نێوان ئەو کەسانەدا روودەدات کە لە یانەکەدا دانیشتبوون، بەهۆی تەقەکردنیشەوە دوو کەس دەکوژرێت کە تەمەنیان 25 و 31 ساڵانە و دوانی دیکەش بە سەختی بریندار دەبن و لەکاتی ئێستادا لە نەخۆشخانەی شار، لە ژێر چاودێری وردی پزیشکیدان.