بۆردومانی فڕۆکەکانی تورکیا لە سیدەکان دوو هاووڵاتی بریندارکرد

 SNN

ئەمشەو فڕۆکەکانی تورکیا سنووری سیدەکانی بۆردومانکرد و بەوهۆیەشەوە دوو کەس برینداربوون.

بەگوێرەی ئەو زانیاریانەی کە دەست SNN کەوتوون، ئەمشەو هه‌ینی کاتژمێر 9:40 خوله‌ك فڕۆكه‌ جه‌نگییه‌كانی توركیا سنووری سیدەکانی بۆردومانکردووە، ئۆتۆمبێلی جۆری تۆیۆتای هاووڵاتییانی گوندنشینی ناوچه‌كه‌ كه‌ هه‌ڵگری چوار سه‌رنشین بووه‌، زیانی به‌ركه‌وتوو و دوو له‌ سه‌رنشینه‌كانی برینداربوون.

ئه‌و دوو برینداره‌ كه‌ ناویان “لوقمان چه‌تۆ و زیكری حاجی مه‌جید” بووه‌ گه‌یه‌نراونه‌ته‌ نه‌خۆشخانه‌ تا چاره‌سه‌ری پێویستیان بۆ بكرێت.

فڕۆکەکانی تورکیا بەبیانووی بوونی گەریلاکانی پەکەکە بەردەوامن لە بۆردومانەکانیان لە ناوچە سنوورییەکانی هەرێم.