وەزارەتی پەروەردە داخوازی خوێندکارانی 12ی ئامادەیی جێبەجێکرد

SNN

عەبدولسەلام دۆلەمەڕی، سەرۆکی لیژنەی پەروەردە و خوێندنی باڵا لە پەرلەمانی کوردستان دەڵێت: “لیژنەی باڵای ئەزموونەکانی وەزارەتی پەروەردە بە ئیجابی وەڵامی داینەوە کە 40 ڕۆژ بدرێت بە خوێندکارانی قۆناغی 12ی ئامادەیی”.

دەشڵێت: “ئەوەش بە پێشخستنی تاقیکردنەوەی وەرزی دووەم لە 19 ی مانگەوە بۆ 5 ی 6 ی 2021 پاش دەستپێکردنەوەی دەوام بە نووسراوی فەرمی لە بەڕێوەبەرایەتی گشتی ئەزموونەکانەوە گشتاندنی پێدەکەن و لیژنەکەی وەزارەت مەنهەج تەحدید دەکات، تەنها بۆ وەرزی دووەم بە جۆرێک کە گونجاو بێت لەگەڵ ڕۆژانی خوێندنی وەرزی دووەم” .

هاوکات تاقیکردنەوەکانی وەزاریش لە هەفتەیەکدا تەنها دوو تاقیکردنەوەی تێدا ئەنجامدەدرێت .

ماوەی سێ رۆژ بەشێک لە خوێندکارانی 12ی ئامادەیی لەبەردەم بەڕێوەبەرایەتیی گشتیی پەروەردەی سلێمانی گردبوونەوە، بڕیار بوو رۆژی 10ی مانگی داهاتوو، تاقیکردنەوەی کۆتایی وەرزی یەکەم ئەنجامبدەن، بەبێ پێدانی هیچ رۆژێکی پشوو بۆ خۆ ئامادەکردن بۆ تاقیکردنەوەکان، خۆپێشاندانەکەش دژی ئەو بڕیارە بوو.