کاتی سەردانەکەی پادشای ئوردن و سەرۆکی میسر بۆ بەغدا ئاشکرادەکرێت

SNN

سەرچاوەیەکی حکومی کاتی سەردانی شا عەبدوڵای دووەم پادشای ئوردن و عەبدولفەتاح سیسی سەرۆکی میسر بۆ عێراق ئاشکرا دەکات، کە وا بەنیازن کۆبوونەوەی لوتکەی سێ قۆڵی عێراق میسر ئوردن ئەنجامبدەن.

سەرچاوەکە بە میدیا عێراقییەکانی راگەیاند: کە عەبدولفەتاح سیسی و شا عەبدوڵای دووە، ڕۆژی پێنجشەممەی داهاتوو بگەنە بەغدای پایتەخت و لەگەڵ مستەفا کازمیدا کۆبوونەوەی لوتکەی سێ قۆڵی ئەو سێ وڵاتە عەرەبییەش ئەنجام دەدرێت، کە دەبوو هەفتەی رابردوو ئەنجام بدرایە بەڵام بەهۆی پێکدادانی دوو شەمەندەفەرەوە لە میسر و کوژرانی 32 کەس لەسەر داوای مستەفا کازمی کۆبوونەوەکە دواخرا.

کۆبوونەوەی سەرانی ئەم سێ وڵاتە بۆ بەستنی چەند گرێبەستێکە لە بوارەکانی ئابووری و وزەو وەبەرهێنان و بازرگانی.