لەرووداوێکی هاتووچۆدا لە گەرميان دوو ئافرەت گیانیان لەدەستدا

SNN

 چوارکەسی ديکەش برينداربوون،پۆليسی گەرميان رايگەياند: “بەيانی ئەمڕۆ لە رووداوێکی هاتووچۆدا لە گەرميان دوو ئافرەت گیانیان لەدەستدا”.

مقەدەمی مافپەروەر علی جەمال قدووری بەڕێوبەری راگەياندنی پۆليسی گەرميان رايگەياند: “بەیانی ئەمڕۆ دووشەمە لەسەر ڕێگای توران سەربەناحییەی ڕزگاری ڕوداوێکی هاتووچۆ لەنێوان دوو ئۆتۆمبێل لەجۆرەکانی توێتا و نیسان روویدا، لەئەنجامدا دوو ئافرەت کەهەریەکەیان سەرنشینی ئۆتۆمبێلێک بوون گيانيان لەدەستداوە”.

راشيگەياند: “شۆفێری هەردوو ئۆتۆمبێلەکە و دوو سەرنشینی دیکە برینداربوون، دوای چارەسەری پێویست بەهۆی سەختی برینەکانیانەوە سەرجەم بریندارەکان رەوانەی نەخۆشخانەی سلێمانی کراون”.

وتيشی “لەئێستادا بەمەبەستی توێکاری تەرمەکان رەوانەی پزیشکی دادوەری قەزای کەلار کراون”.