رێکخراوی تەندروستی جیهانی: حاڵەتەکانی کۆرۆنا لە هەموو جیهان بەرزبووەتەوە

SNN

ڕێکخراوی تەندروستی جیهانی هۆشداری دەدات حاڵەتەکانی ڤایرۆسی کۆرۆنا و مردن بەهۆی ڤایرۆسەکە لە سەرانسەری جیهاندا بەرزبووەتەوە.

مارگرێت هاریس وتەبێژی WHO رایگەیاند: “یەکێک لە هۆکارەکانی بەرزبوونەوەی حاڵەتەکانی تووشبوون بەهۆی ئەوەیە وا بیردەکرێتەوە هەر کە ڤاکسینەکە وەرگیرا ئیتر ڤایرۆسەکە بڵاو نابێتەوە”.

ئەو دەڵێت ” خەڵکی بە هەڵە تێگەیشستوون، وا دەزانن ڤاکسین گواستنەوەی ڤایرۆسەکەش ڕادەگرێت. لە ڕاستیدا وا نییە. ڤاکسینەکە بۆ کەمکردنەوەی نەخۆشکەوتنی قورسە بەهۆی ڤایرۆسەکەو بۆ ئەوەیە ژمارەی مردن بەهۆی ڤایرۆسەکە کەمبێتەوە.”

ڕێکخراوی تەندروستی جیهانی هۆکاری ئەم بەرزبونەوەیە بۆ چەند فاکتەرێک دەگێرێتەوە ، لەوانە زیادبوونی جۆرەکانی ڤایرۆسەکە، جێبەجێنەکردنەوەی ڕێوشوێنەکانی تەندروستی و دەستپێکردنەوەی ژیانی ئاسایی کە خەڵکی پاش ماوەیەکی زۆر لە قەدەغەکردنی هاتووچۆکان تێکەڵ بوونەتەوە.

زیاتر لە 133 ملیۆن و 500 هەزار حاڵەتی تووشبوون بە ڤایرۆسی کۆرۆنا تۆمار کراوە لەوانەشدا نزیکەی 3 ملیۆن کەس گیانیان لەدەست داوە.