ژمارەیەک گولـلە هاوەن ئاراستەی بنکەیەکی سەربازی سوپای عێراق کران

SNN

میدیا عێراقییەکان ئەمڕۆ دووشەممە رایانگەیاند: بەرەبەیانی ئەمڕۆ، ژمارەیەک گولـلە هاوەن ئاراستەی بنکەیەکی سەربازی سوپای عێراق لە ناوچەی سلێجییە لە سنووری قەزای هیت، لە رۆژئاوای رومادی كران، بەبێ ئەوەی زانیاری زیاتر ئاشکرا بکات.

بەهەمانشێوە شەوی رابردووش، بنكەی ئاسمانی بەلەد لە سنووری پارێزگای سەڵاحەدین، كە بنكەیەكی سەربازیی هاوبەشی هێزەکانی ئەمەریكا و عێراقە، بە پێنج مووشەك كرایە ئامانج و برینداربوونی 5 کەسی لێکەوتەوە.