هەفتانە سێ جۆر ڤاکسین دەگاتە عێراق و پشکی هەرێمیشی تێدایە

SNN

حەسەن تەمیمی، وەزیری تەندروستی عێراق رایگەیاند: هەفتانە کاروانی ڤاکسینەکانی، فایزەر، سینۆفارم و ئەسترازینیکا دەگاتە بەغداو پشکی هەرێمی کوردستانیش لەو ڤاکسینەدا وەک جارەکانی پێشوو هەیە.

تەمیمی لە کۆنگرەیەکی رۆژنامەوانیدا ئەوەشی روونکردەوە کە تا ئێستا عێراق لە شەپۆلی دووەمی ڤایرۆسی کۆرۆنا دایە، وەزارەت و دامەزراوە تەندروستییەکان، لەبەردەم ئاڵنگاریی سەختدان، هەورەها هەفتانە کاروانی ڤاکسینەکانی، فایزەر، سینۆفارم و ئەسترازینیکا دەگاتە عێراق، بۆ ئەم مەبەستەش 700 ناوەندی کوتان و 50 ناوەندی دیکەی تایبەت بە ڤاکسینی فایزەر لە ناوچە جیاجیاکانی عێراق تەرخانکراون، رۆژانەش زیاتر لە 2 هەزار کەس بە ڤاكسین دەكوترێن.