سعودییە بڕێکی زۆری ماددەی هۆشبەر لە نێو “هەنار”دا دەگرێت کە لە لوبنانەوە هاتوون

SNN

بەڕێوەبەرایەتی گومرگی سعودییە لە راگەیەندراوێکدا ئاماژە بە دەستبەسەرداگرتنی بڕێکی زۆری ماددەی هۆشبەری “کەپتاگۆن”دا دەگرێت کە ژمارەیان 5.3 ملیۆن حەب بووە و لەنێو هەناردە حەشار درابوون و بەنیازبوون لە رێگەیەوە بۆ سعودییەی بگوازنەوە.

هەر لە راگەیەندراوەکەی گومرگی سعودییەدا ئاماژە بەوە کراوە، بە پشتبەستن بە سەرچاوە هەواڵگرییەکانمان توانییمان دەست بەسەر 5 ملیۆن ماددەی هۆشبەری کەپتاگۆندا بگرین لە بەندەری سعودییە و پێش ئەوەی لە نێو وڵاتدا بڵاوببێتەوە، لەگەڵ ئەوەشدا تواندراوە ئەو کەسانەی کە لە پشت ئەم بازگرانییەوە بوون و ویستوویانە لە سعودیە ئەم ماددە هۆشبەرانە وەربگرن دەستگیر بکەین.