“کۆرۆنا لە هيندستان لە دۆخێکی مەترسيداردايە”

SNN

وڵاتی هيندستان دووەم وڵاتە لەڕووی زۆری ژمارەی توشبوون بە کۆرۆنا، بەهۆی خراپی سيستەمی تەندروستييەوە تا ئێستا نزيکەی 17 مليۆن کەس تووشی ڤايرۆسەکە بوون و زياتر لە 192 هەزار کەسيش گيانيان لەدەستداوە.

بەرزبوونەوەی ژمارەی تووشبووان و گيانلەدەستدان بە کۆرۆنا لە هيندستان لە کاتێکدایە کاربەدەستان لە سەرانسەری ئەو وڵاتە و لە ناویاندا نیودهلی پایتەختیش هۆشداری دەدەن نەخۆشخانەکان پڕبوون و ئۆکجینیان نەماوە.

هەروەها، ئەو رێژەيە، هاوکاتیشە لەگەڵ گڕگرتنی نەخۆشخانەیەک لە یەکێک لە ناوچەکانی مۆمبای کە تیایدا چارەسەری نەخۆشەکانی کۆرۆنا دەکرا، لەو رووداوەدا 13 کەس گیانیان لەدەستدا.

هاوکات، لە چەند رۆژی رابردوودا 22 نەخۆش لە نەخۆشخانەیەکی گشتی ویلایەتی مەهاراشترای رۆژئاوا گیانیان لەدەستدا کاتێک ئۆکسجینەکەیان تەواو بوو، ئەوەش دوای ئەوەی مانگی رابردوو لە شاری مۆمبای پایتەختی ئەو ویلایەتە، بەلانیکەم نۆ نەخۆش لە نەخۆشخانەیەک بەهۆی ئاگرکەوتنەوە گیانیان لەدەستدا.

لەو بارەيەشەوە، سینگ دیۆ وەزیری تەندروستی هندستان دەڵێت “رەوشێکی زۆر ناهەموار و مەترسیدارمان هەیە، جێگاش لە بەشی چاودێری چڕی نەخۆشخانەکاندا نەماوە”.