وەزارەتی ناوخۆی عێراق: 82 کەس لە رووداوەکەی بەغدا گيانيان لەدەستداوە

SNN

وەزارەتی ناوخۆی عێراق ئاماری قوربانيانی رووداوەکەی شەوی رابردووی نەخۆشخانەی ئيبن خەتيب لە بەغدا راگەياند و دەڵێت: “تا ئێستا 82 کەس گيانيان لەدەستداوە”.

وەزارەتی ناوخۆی عێراق لە راگەيەندراوێکدا بڵاويکردەوە: “بەهۆی رووداوی ئاگرکەوتنەوە لە نەخۆشخانەی ئيبن خەتيب لە بەغدا 110 کەس بريندار بوون و 82 کەسيش گيانيان لەدەستداوە”.

لەبارەی رووداوەکەوە پێشتر مستەفا کازمی سەرۆوەزيرانی عێراق رايگەياند:” دەبێت لە ماوەی 24 کاتژمێردا لێکۆڵینەوە لە روداوەکە بکرێت و ئەنجامەکەشی ئاشکرا بکرێت و  ئەوانەی کەمتەرخەمیانکردووە سزا بدرێن”.

شەوی رابردوو بەرێوەبەرایەتی بەرگری شارستانی بەغدا بڵاویکردەوە: “ئاگر لە نەخۆشخانەی ئیبن خەتیبی تایبەت بە چارەسەری کۆرۆنا لە بەغدا کەوتووەتەوە و بەوهۆیەوە 27 کەس گیانیان لە دەستداوە و دەیانی دیکە برینداربوون”.