ئێران بە سەرکەوتووی یەکەم ڤاکسینی بە ناوی “فەخر” بەرهەمهێنا
ڤاکسینی ئێرانی
SNN
ئاژانسی “ئیرنا”ی ئێرانی راپۆرتێکی لەبارەی سەرکەوتنی ڤاکسینێکی بەرهەمهێنراوی ناوخۆی ئێران بڵاوکردەوە لەتاقیکردنەوەی مرۆییدا.
بەگوێرەی زانیارییەکانی ئەو ئاژانسە فەرمییەی ئێران، پسپۆڕانی تەندروستی تاران سەرکەوتنی ڤاکسینی “فەخر”یان راگەیاند لەتاقیکردنەوەی لەسەر مرۆڤ، ڤاکسینەکەش لەلایەن وەزارەتی بەرگری ئێرانەوە بەرهەمهێنراوە.
لە 16ی ئازاری مانگی رابردووەوە دەستیان بە یەکەم تاقیکردنەوەی تاقیگەیی ڤاکسینەکە کردووە، سەرەتا ڤاکسینەکە درایە کوڕی موحسین فەخریزادە زانای پرۆگرامی ئەتۆمی کە ساڵی رابردوو تیرۆرکرا.
ئەحمەد کەریمی بەڕێوەبەری پرۆژەی بەرهەمهێنانی ڤاکسینی “فەخر” لەکۆتایی مانگی ئازاری رابردوو رایگەیاند: لەماوەی سێ مانگی دیکەمدا ئەم ڤاکسینە دەگاتە ئەوپەڕی بەرهەمهێنانی خۆی.
