فڕۆکەوانی عێراق: “ڤیزای ڤاکسین شوێنی پشکنينی PCR ناگرێتەوە”

SNN

دەسەڵاتی فڕۆکەوانیی مەدەنی عێراق رایگەیاند: “ڤیزای ڤاکسین  Vaccine VISA ی نێودەوڵەتیی شوێنی پشکنینی PCR بۆ گەشتیاران ناگرێتەوە.

جیھاد دیوان بەڕێوەبەری راگەیاندنی دەسەڵاتی فڕۆکەوانیی مەدەنی عێراق، بە ئاژانسی ھەواڵی عێراقی راگەیاند: “پرسی پشتبەستن بەڤاکسينی ڤيزا پەیوەستە بە بڕیاری لیژنەی تەندروستیی و سەلامەتی نیشتمانیی و تاوەکو ئێستا بڕیاری کارکردن پێی لەبری پشکنینی  PCR  نەدراوە”.

جیھاد دیوان ئاشكراشیكرد: “بڕیاری پشت بەستن بە پشکنینی PCR لە گەشتەکانی ناوخۆیی و دەرەکی تاوەکو ئێستا کاری پێدەکرێت و پێویستە گەشتیاران 72 کاتژمێر بەر لە وادەی گەشتکردنیان ئەنجامی نێگەتیڤی پشکنینی PCR نیشانبدەن”.

بەپێی دوایین داتاکانی وەزارەتی تەندروستیی و ژینگەی عێراق: “کۆی گشتیی تووشبووان بە ڤایرۆسی کۆرۆنای نوێ لە عێراق، گەیشتووەتە یەک ملیۆن و  112ھەزار و  725کەس، لەو ژمارەیەش 15 ھەزار و 771 کەس گیانیانلەدەستداوە و یەک ملیۆن و پێنج ھەزار و 369ی دیکەیش چاکبوونەتەوە”.