ئامارەکانی هاوسەرگيری و جيابونەوەی بۆ ساڵی 2020 راگەيەندرا

SNN

ئەنجومەنی دادوەری هەرێمی کوردستان ئامارەکانی هاوسەرگیریکردن و جیابوونەوەی هاوسەرانی لە ساڵی 2020 بڵاوکردەوە و بەپێی ئامارەکان بەراورد بە ساڵی 2019 هاوسەرگیریکردن زیادی کردووە و جیابوونەوەی کەمبووەتەوە.

بەپێی ئامارەکە “لە ساڵی 2020دا 44 هەزار و 410 گرێبەستی هاوسەرگیریکردن لە دادگاکانی هەرێم ئەنجامدراون کە زۆرترينيان لە پارێزگای هەولێر بووە، لەکاتێکدا لەساڵی 2019، 42 هەزار و 502 گرێبەست بووە.

هەروەها، ئامارەکانی جيابوونەوەش بە جۆرێکە لە هەمان ساڵدا حەوت هەزار و 566 کەس خێزان لێک هەڵوەشاونەتەوە و زۆرترين رێژەش لە شاری هەولێر بووە.

هاوکات، لە ئامارەکەدا ئاماژە بە رێگەپێدان بە هێنانی ژنی دووەم کراوە، لە ساڵی 2020دا، 66 رێگەپێدان لە دادگاکانی هەرێم تۆمارکراوە، بەجۆرێک لە هەولێر 36 و سلێمانی 11 و دهۆک 19 رێگەپێدان تۆمارکراوە.