ئاماری زیانەکانی شەڕی ئیسرائیل و فەلەستینیەکان

SNN                    

شەڕ و گرژییەکان نێوان ئیسرائیل و گروپە فەلەستینییەکانی کەرتی غەزە پاش 11 رۆژ بە ئاگربەست کۆتایی هات و دەیان کەس لە هەردوولا کوژران و بەسەدانیش برینداربوون.

بەپێی ئامارەکانی تەندروستی فەلەستین لە ماوەی ئەو 11 رۆژەدا 234 کەس کە 65کەسیان منداڵبوون لە ئەنجامی هێرشەئاسمانیەکانی ئیسرائیل بۆ سەر کەرتی غەزە کوژراون و زیاتر لە هەزار و 900 کەسیش برینداربوون.

لەبەرامبەریشدا بە هۆی موشەکەکانی گروپە فەلەستنیەکانەوە 12 کەس لە ئیسرائیل کوژراون، کە ددوانیان منداڵ بوون و 796 کەسیش برینداربوون.

هەر گوێرەی ئامارەکان، لە ماوەی شەڕەکەدا 75 هەزار کەس لە کەرتی غەزە ئاوارە ببون و 230 بینا لەو ناوچەیە رووخاون و 678 بیناش زیانیان بەرکەوتووە.

دوای ئەوەی هەوڵی پۆلیسی ئیسرائیل بۆ دەرکردنی چەند خێزانێک لە ماڵەکانیان لە گەڕەکی شێخ جەراحی قودسی رۆژهەڵات گرژیی و خۆپیشاندانی لێکەوتەوە، لە ئەنجامی هەڵدانی موشەک لە کەرتی غەزەوە بەرە ناوچە جیاجیاکانی ئیسرال، حکومەتی تەلئەبیب لە 10ی ئایارەوە هێرشێکی چڕی بۆ سەر غەزە دەستپێکرد.

دواجار بە نێوەندگیری ئەمریکا، میسر و چەند وڵاتێکی عەرەبی و ئیسرائیل و گروپە فەلەستینیەکانی غەزە رازیبوون بە راگەیاندنی ئاگربەست.