وەزارەتی ئاوەدانکردنەوە: لە پلانماندايە سەرجەم رێگای نێوان پارێزگاکان بکەين بە دوو ساید

SNN

بریکاری وەزارەتی ئاوەدانکردنەوەی حکومەتی ھەرێمی کوردستان رايگەياند: “پلانمان داناوە سەرجەم رێگاکانی نێوان پارێزگاکان و سنوورەکانی ھەرێمی کوردستان بکەينە دوو ساید.

ئاگرین عەبدوڵا بریکاری وەزارەتی ئاوەدانکردنەوە بە ماڵپەڕی فەرمیی پارتی راگەياندووە: “وەک وەزارەتی ئاوەدانکردنەوەی حکوومەتی ھەرێمی کوردستان پلانمان داناوە سەرجەم رێگاکانی نێوان پارێزگاکانی ھەرێمی کوردستان و ئەوەی بۆ کەرکوک و بەشەکانی دیکەی عێراق و بۆ سنوورەکانی تورکیا و ئێران دەچێت، بکەینە دووساید، بۆ ئەو مەبەستەش داواکاریمان پێشکەشی حکومەت کردووە”.

بریکاری وەزارەتی ئاوەدانکردنەوەی حکوومەتی ھەرێم وتیشی: “زۆرینەی پڕۆژەکانی بەردەستمان دووسایدن و چاوەڕێین حکوومەت پارە تەرخان بکات و تەواویان بکەین و، ئەوانەی لە پلانیشدان، کە پارە تەرخان کرا دەست بە جێبەجێکردنی ئەوانیش دەکەین.”

باسی لەوەشکرد: “داواکاریمان پێشکەش کردووە و ھیوادارین حکوومەتی ھەرێمی کوردستان بەشێکمان بۆ تەرخان بکات بۆ ئەوەی ئەوانەی لە بەردەستن تەواویان بکەین.”