باندێكی بازرگانیکردن بە کچانی مێردمنداڵ ده‌ستگیرکران
دەستگیرکردن
SNN
وەزارەتی ناوخۆی عێراق ئەمڕۆ دووشەممە، رایگه‌یاند: هێزه ئه‌منییه‌كان توانیویانه، لە بەغدا باندێک ده‌ستگیربكه‌ن، کە کڕین و فرۆشتنیان به کچانی بچووک له پارێزگاكانی هه‌رێم كردووه.
لە راگەیەندراوەکەی وەزارەتی ناوخۆی عێراقدا هاتووە: توانیویانە لە بەغدا سێ کەس دەستگیربکەن، کە بازرگانییان بە چەند مێردمنداڵێکەوە کردووەو، پارەی ساختەشیان ساغکردووەتەوە.
لە به‌شێكی بەیاننامەکەدا هاتووە، زانیارییان هەبووە کە ئەو کەسانە کچانی ته‌مه‌نی خوار 18 ساڵیان لە هەرێمی کوردستان دەفرۆشتووه‌و، دراوی 50 دۆلاری ساختەشیان لە بازاڕەکاندا ساغكردووەتەوە، لە کاتی دەستگیرکردنیشاندا ئەو سێ کەسەدا بڕی 100 هەزار دۆلاری ساختەیان پێبووه.
