بەرپرسی پێشووی مۆساد وردەکاری ئۆپراسیۆنەکانی دژ بە ئێران ئاشکرادەکات

SNN

بەرپرسی پێشووی دەزگای هەواڵگری ئیسرائیل(مۆساد) لە چاوپێکەوتنێکدا وردەکاری چەند ئۆپراسیۆنێکی دژ بە کەرتی ئەتۆمی ئێران ئاشکرادەکات.
یۆسی کۆهێن کە پێنج ساڵی رابردوو پۆستی سەرۆکی مۆسادی بەڕێوەبردووە، لە چاوپێکەوتنێکیدا لەگەڵ کەناڵێکی ئیسرائیل دان بەوەدا دەنێت کە ئیسرائیل دەستی لە چەند هێرشێکی سەر وێستگە ئەتۆمییەکانی ئێراندا هەبووە، هاوکات لەپشت کوژرانی موحسین فەخریزادە زانای دیاری بواری ئەتۆمییەوە بووە.
لەبارەی تەقاندنەوەی وێستگەی ئەتۆمی نەتەنز، ئاشکرایدەکات کە پلانی ئەنجامدانی ئەو تەقینەوەیە دوو ساڵی خایاندووە، 20 کەسی سەر بە مۆساد کە هیچیان هاووڵاتی ئیسرائیلی نین، لەناو ئێران بەشداربوون لە جێبەجێکردنی پلانەکە.
دەشڵێت: بەرپرسی ئەو ئۆپراسیۆنەکە لە فەرماندەی ناوەندی تەلئەبیبەوە چاودێری بارودۆخەکەی کردووە، لەکاتێکدا وەکیلەکانی ئیسرائیل 20 دەرگایان داخراویان بڕیووە تا ئەو کارەیان ئەنجامداوە. کۆهێن تەقاندنەوەی وێستگەی نەتەنز بە “رووداوێکی پڕچێژ و خۆش” وەسفدەکات.
لەبارەی ئەو وەکیلانەی کە بەشدارییان لە تەقاندنەوەی وێستگەکەدا کردووە، وتی: “هەموویان لەدەست هێزە ئەمنییەکانی ئێران رزگاریان بووە، بەڵام بەشێکیان ناچاربوون ئێران جێبهێڵن”.