لەسەر پرسی بەنزین وەزیری سامانە سروشتییەکان بانگهێشتی پەرلەمان دەکرێت
SNN
ئەمڕۆ ليژنەی وزە و سامانەسروشتييەکان کۆبووە و بڕیاریدا نووسراوێك ئاراستهی وەزارەتی سامانەسروشتییەکان بكات بۆ بانگهێشتكردنی وهزیرى سامانهسروشتییهكان بەمەبەستی گفتوگۆكردن لهسهر چۆنیهتیی چارهسهركردنی گرانبوونی نرخی بەنزين.
راگەياندنی پەرلەمانی کوردستان بڵاويکردەوە: “بهمهبهستی تاووتوێكردنی چهند پرسێكی گرنگی پهیوهست بهكارى لیژنهكه، ئەمڕۆ سێشەممه، لیژنەی وزەو سامانەسروشتییەکان و پیشەسازی و بازرگانی، بەسەرپەرشتیی عەلی حەمە ساڵح سەرۆکی لیژنەکە و بە ئامادهبوونی جێگری سەرۆكى لیژنەو بڕیاردەرو ئهندامان و راوێژکارانى لیژنەكه، کۆبوونەوەی ئاسایی خۆی ئەنجامدا”.
لەکۆبوونەوەکەدا گفتوگۆ لهسهر گرانیی نرخی بهنزین و كوالیتیی بهنزین و گازوایل کراو لیژنهکە بڕیاریدا نووسراوێك ئاراستهی وەزارەتی سامانەسروشتییەکان بكات بۆ بانگهێشتكردنی وهزیرى سامانهسروشتییهكان بۆ لیژنهكه بهمهبهستی پێدانی روونكردنهوهى پێویست لهسهر ئهو پرسانهو گفتوگۆكردن لهسهرى و چۆنیهتیی چارهسهركردنی.
ههر لهكۆبوونهوهكهدا باس لهگرانیی نرخی کارەبا لەسەر پڕۆژەکانی پیشەسازی كراو ئامادەبووان چەندین سەرنج و تێبینی و بیروڕایان لهوبارهیهوه ئالوگۆڕکرد.
لەبەشێکی دیكهی کۆبوونەوەکەدا باس لەو کێشانە کرا کەخاوەن کارگەکان بەنوسراوێك ئاراستەی لیژنەكهیان کردبوو بەمەبەستی بهدواداچوون و دۆزینەوی رێگهچارەیهك بۆیان، کێشەی ھاوردەکردنی کاڵاو زۆریی رۆتین لهلایهن وهزارهتی تهندروستییهوه، یەکێکی تر بوو لەو پرسانەی كه له تەوەری کۆبوونەوەكهی ئەمڕۆی لیژنەكهدا گفتوگۆى لهبارهوه كرا.
