لە رووداوێکی تەقەکردندا لە هەولێر دوو کەس کوژران

SNN

لە رووداوێکی تەقەکردندا لەسەر شەقامی 60 مەتریی هەولێر، دوو کەس کوژران و کەسێکی دیکەش برینداربوو.

هۆگر عەزیز، وتەبێژی پۆلیسی هەولێر بە SNNی راگەیاند: لە شەقامی 60 مەتری دوو تۆمەتبار، كە بران، لەسەر كێشەیەكی كۆمەڵایەتی دەستڕێژی گوللـە لە خوشكەكەیان و زاواكەیان و كەسێكی تر دەكەن.

راشیگەیاند: “دەستبەجێ تیمەكانی پۆلیس گەیشتنە شوێنی رووداو و دەركەوت كە لە ئەنجامی تەقەكان دوو پیاو بە ناوەكانی (ا. ت. ح) و (ك. ق. ع) گیانیان لە دەست داوە و ئافرەتێكیش بە ناوی (ج. ح. م) زامدار بووە”.

وتیشی: “لە ئێستادا تیمەكانی بەڕێوەبەرایەتیی پۆلیسی پارێزگای هەولێر لە شوێنی رووداوەكەن بە مەبەستی بەدواداچوون و لێكۆڵینەوەی زیاتر و لە ئایندەیەكی نزیكدا ئەنجامی لێكۆڵینەوەكان بڵاو دەكەینەوە”.