“ئەو پارەیەی لە بەغداوە دێت بۆ هەرێم تەنیا بۆ دابەشکردنی مووچەی فەرمانبەرانە بەبێ لێبڕین”

SNN

بەهجەت عەلی، ئەندامی لیژنەی دارایی لە پەرلەمانی کوردستان رایگەیاند: ئەو پارەیەی کە لە بەغداوە بۆ هەرێمی کوردستان دێت، بۆ ئەوە نییە حکومەتی هەرێمی قەرزەکانی سەر شانی پێبداتەوە، بەڵکو بۆ ئەوەیە کە 30 رۆژ جارێک مووچە دابەشبکرێت بەبێ لێبڕین.

عەلی ئاماژەی بەوەشکرد: تا ئێستا ئێمە لە چاوەڕوانی گەیشتنی پارەکەی بەغداین، پاش وردبینی کردنی دیوانی چاودێری دارایی هەردوولا، دوای گەیشتنی پارەکەش بڕیار لە چارەنووسی دەدەین.

وتیشی” ساڵی پار حکومەتی هەرێمی کوردستان لەگەڵ بڵاوبوونەوەی ڤایرۆسی کۆرۆنادا و دابەزینی بەهای نەوت، پەنای بردە بەر چەندین قەرزی ناوخۆی بۆ ئەوەی مووچەی فەرمانبەرانی پێدابین بکات، بەڵام پاش گەیشتنی پارەکەی بەغدا لە هەنگاوی یەکەمدا حکومەت دەیەوێت مووچەی فەرمانبەران 30 رۆژ جارێک دابەشبکات، پاشان چەند پرۆژەیەکی گرنگی خزمەتگوزاری پێشکەش بە هاووڵاتیان بکات کە ناکرێت دەستبەرداری بێت”.

“هەندێک لە میدیا لە چەند رۆژی رابردوودا ئاماژەیا بەوەکرد کە ئەو پارەیەی بەغدا بۆ هەرێمی دەنیرێت، حکومەت لە دانەوەی قەرزەکانی سەر شانی خەرجی دەکات”