ئەمریکا ژمارەیەک کەناڵی عێراقی و ئێرانی دادەخات
SNN
ئەمڕۆ چوارشەممە، ئەمریکا ژمارەیەک ماڵپەڕى ئەلیکترۆنى دەزگاکانى ڕاگەیاندنى عێراقى و ئێرانى دادەخات و ڕێگە بەکردنەوەیان نادات لەو وڵاتە.
بەپێی ڕاگەیەنراوی وەزارەتى بازرگانى ئەمریکا، پێگە عێراقییەکان بریتین لە فورات نیوز، کەناڵى ئاسیا، مەعلومە، نەعیم، کاف، کەناڵى کەربەلا، کەناڵى ئافاق، هەروەها ئەو پێگە ئێرانییانەى دادەخرێن بریتین لە کەناڵى عالەم، مەسیرە، لوئلوء، کەناڵى پرێس تی ڤی، فەڵەستین الیوم، النبأ، الكوثر.
لەدواى بڕیارەکەى ئەمریکا، کەناڵى عالەمى ئێرانى و کەناڵى پڕێس تی ڤى کەناڵى مەسیرەى سەر بە حوسییەکان لەیەمەن پەیامى داخستنى پێگەکانیان لە چوارچێوەى سزاکانى ئەمریکا بڵاوکردووەتەوە.
