قوباد تاڵەبانی لەگەڵ باڵیۆز و کونسوڵی بەریتانیا کۆبووەوە
SNN
قوباد تاڵەبانی پێشوازیکرد لە ستیفن ھیکی باڵیۆز و جیمس تورنتن کونسوڵی گشتی بەریتانیا لە ھەرێمی کوردستان و لەبارەی ھەرێمی کوردستان و بارودۆخی عێراق و ھەڵبژاردنەکانی داھاتووی عێراق گفتوگۆیان کرد.
لە دانیشتنێکدا کە تایبەت بوو بە ماڵئاواییکردن لە لە باڵیۆز و کونسوڵی بەریتانیا ئەمڕۆ قوباد تاڵەبانی جێگری سەرۆکی حکومەت سوپاسی ھەردووکیانی کرد لە ھاوکاریکردنی ھەمەجۆری ھەرێمی کوردستان و پاڵپشتیکردن لە رێکخستنەوەی ھێزەکانی پێشمەرگە و پرۆسەی چاکسازی و ھیوای خواست لە قۆناغی داھاتوودا سەرکەوتووبن لەکار و ئەرکی نوێیان.
لە بەشێکیتری کۆبوونەوەکەدا تیشک خرایەسەر ھەڵبژاردنی چاوەڕوانکراوی عێراق لە تشرینی یەکەمی داھاتوو، ھەردوولا ھاوڕابوون لەسەر ئەوەی ئامادەکاری باش بکرێت بۆ ئەوەی ھەڵبژاردن ببێتە ھۆی سەقامگیری سیاسی و لە سایەیدا حکومەتێک دروستبکرێت کە جێگای متمانەی ھەموولا بێت.
شاندی بەریتانیا پشتیوانی خۆی بۆ یەکڕیزی ھێزە کوردستانییەکان دووپات کردەوە و پابەندیی وڵاتەکەی خستەڕوو بە پشتیوانیکردن و ھاوکاری زیاتری ھەرێمی کوردستان.
