تەندروستی جيهانی: دەلتا ڤايرۆس لە نزيکەی 100 وڵات بڵاوبووەتەوە

SNN

رێکخراوی تەندروستی جیهانی رايگەياند: “جۆری دەلتای ڤایرۆسی کۆرۆنا تا ئێستا لە  98 وڵاتی جیهان تۆمارکراوە  و بەخێرايی بڵاودەبێتەوە”.

تێدرۆس ئادهانۆم سەرۆکی رێکخراوی تەندروستی جيهانی رايگەياند: “ئەم جۆرە گۆڕاوەی ڤايرۆسی کۆرۆنا کە سەرەتا لە مانگی تشرينی يەکەمی ساڵی رابردوو لە هيندستان سەريهەڵدا مەترسيدارە، بەردەوام لە گەشەکردندايە و شێوەی خۆی دەگۆڕیت، هەربۆيە بەردەوام پێويستی بە هەڵسەنگاندنی تەندروستی گشتی هەيە”.

دەشڵێت “لەو وڵاتانەی کەمتر ڤاکسينی کۆرۆنايان پێگەيشتووە، هەروەها ئەوانەی گرفتی خراپی سيستمی تەندروستيان هەيە، بڵاوبوونەوەی ڤايرۆسەکە زياترە بەڵام تا ئێستا هيچ وڵاتێک بەدوور نييە لەم مەترسييە”.

تێدرۆس ئادهانۆم ئاماژەی بەوەش کردووە: “ئەم جۆرەی کۆرۆنا کە یەکەمجار لە هیندستان تۆمار کرا، خێراتر بڵاودەبێتەوە و بەردەوامیشە لە تەشەنەسەندن”.