کەسێک بە تۆمەتی هەوڵدان بۆ سووتاندنی نەخۆشخانەیەک لە نەجەف دەستگیرکرا
SNN
تەندروستیی نەجەف ئاشکرای کرد، کەسێکیان دەستگیرکردووە کە هەوڵی داوە ئاگر لە نەخۆشخانەیەکی قەزای کوفە بەربدات.
بەپێی راگەیەنراوێکی بەرێوەبەرایەتی تەندروستیی نەجەف، هێزەکانی ناو نەخۆشخانەی فورات لە کوفە کەسێکیان دەستگیرکردووە، کە کەلوپەلی ئاگرکردنەوەی پێبووە و هەوڵیداوە لە بەشی فریاکەوتنی نەخۆشخانەکە ئاگربکاتەوە.
ئاماژەی بەوەشکردووە، تۆمەتبارەکە لەدایکبووی 2005ە و بەمەبەستی گرتنەبەری رێکاری یاسایی و لێکۆڵینەوەی ورد رادەستی هێزە ئەمنییەکان کراوە.
ئەمەش لەکاتێکدایە رۆژی 12ی ئەم مانگە ئاگرێک لە نەخۆشخانەی حسێنی فێرکاری لە پارێزگای زیقار کەوتەوە و بەهۆیەوە نزیکەی 70 کەس گیانیان لەدەستداو بەدەیانی دیکەش برینداربوون.
