مانگی رابردوو عێراق بە بەهای زیاتر لە شەش ملیار دۆلار نەوتی فرۆشتووە

SNN

کۆمپانیای بە بازاڕکردنی نەوتی عێراق سۆمۆ ئاشکرای کرد مانگی رابردوو بە بەهای زیاتر لە شەش ملیار دۆلار نەوتیان فرۆشتووە.

بەپێی راگەیەنراوێکی سۆمۆ لە مانگی تەمووزدا 90 ملیۆن و 467 هەزار و 794 بەرمیل نەوتیان هەناردە کردووە و داهاتەکەشی شەش ملیار و 513 هەزار و 792 دۆلارە.

روونیشیکردوەتەوە: عێراق رۆژانە بە شێوەی تێکڕا دوو ملیۆن و 918 هەزار بەرمیل نەوتی هەناردەکردووە و نرخی مامناوەندی هەر بەرمیلێکیش 72 دۆلار بووە.

سۆمۆ ئاماژەی بەوەشکردوە، لە کۆی ئەو نەوتەی لە مانگی رابردوودا هەناردەکراوە، 87 ملیۆن و 455 هەزار و 359 بەرمیلی لە کێڵگەکانی ناوەڕاست و باشورەوە بووە و سێ ملیۆن و 12 هەزار و 435 بەرمیلیشی لە کێڵگەکانی کەرکوک و لە رێگەی بەندەری جیهانی تورکیاوە رەوانەی بازاڕە جیهانیەکان کراوە.

حکومەتی عێراق بە پیچەوانەی حکومەتی هەرێمی کوردستان لە کۆتایی هەر مانگێکدا بڕ و داهاتی نەوتی هەناردەکراو رادەگەینێت.