دوای 50 رۆژ، سێشەممە پەرلەمانی کوردستان کۆدەبێتەوە

SNN

رۆژى سێشەممە، پەرلەمانى کوردستان کۆدەبێتەوە و داوا دەکات ئەندامانى لە کاتى دیاریکراودا ئامادەبن.

بەپێى نوسراوێک کە واژۆى رێواز فایەق سەرۆکى پەرلەمانى لەسەرە، تێیدا هاتووە، ” پشتبه‌ستن به‌ حوكمی بڕگه‌ی (سێیه‌م) له‌ مادده‌ی (18)ی په‌یڕه‌وی ناوخۆی په‌رله‌مانی كوردستان-عێراق، بڕیارماندا بانگهێشتی گشت ئه‌ندامانى په‌رله‌مان بكه‌ین، بۆ دانیشتنی ژماره‌ (4)ی ئاسایی خولی پایزه‌ی ساڵی سێیەم له‌ خولی هه‌ڵبژاردنی پێنجه‌می په‌رله‌مانی كوردستان-عێراق، له‌ كاتژمێر (11)ی پێشنیوه‌ڕۆی رۆژی سێشه‌ممه‌ رێكه‌وتی (26/10/2021).

هەرچەندە هیچ شتێک لەبارەى ناوەڕۆکى دانیشتنەکە نەخراوەتەڕو، بەڵام دانیشتنەکە لە کاتێکدایە تا ئەمڕۆ (48) رۆژە پەرلەمانى کوردستان، هیچ دانیشتنێکى ئەنجام نەداوە.