وەزارەتی کارەبا: لە ساڵی نوێدا بەرهەمهێنانی کارەبا زياددەکات

SNN

فەرمانگەی ميديا و زانياری رايگەياند: وەزارەتی کارەبا پلان و بەرنامەیەکی تۆکمەی بۆ ساڵی 2022 ئامادە کردووە و ژمارەیەک لەو پڕۆژانەی کە جێبەجێ کراون، لە ساڵی 2022 دا دەکرێنەوە.

فەرمانگەی ميديا و زانياری لە راگەيەندراوێکدا بڵاوەکردووەتەوە: لە کۆبوونەوەی وەزارەتی کارەبادا چەند بڕيارێک دراوە، لە ساڵی 2022، دەیان پڕۆژەی کەرتی کارەبا تەواو دەکرێن، لەوانە:

* پڕۆژەی هێڵی سۆران-شەقڵاوە.

* پڕۆژەی هێڵی بازیان- راپەرین.

* پڕۆژەی هێڵی تانجەڕۆ- سەید سادق.

* وێستگەی هایدرۆپاوەری دێرەلۆک.

* بەرهەمهێنانی 75 مێگاوات کارەبا بە وزەی خۆر.

* تەواو کردنی وێستگەی شاوێس و چەندین وێستگەی مۆبایل.

* تەواو بوونی پڕۆژەی پێوەری زیرەک.

راشيگەياندووە: جگه‌ له‌مانه‌ ئاستی بەرهەمهێنانی کارەبا لە ساڵی 2022 بەرز دەبێتەوە، بەتایبەتی پاش پلانی کۆمپانیای داناگاز بۆ بەرزکردنەوەی ئاستی بەرهەمهێنانی گازی سروشتی.

ئاماژەيبەوەشکردووە: وەزارەتی کارەبا، پاش هەوڵێکی زۆر توانی ڕەزامەندیی یەکێتی ئەورووپا بۆ بەگەڕخستنی  پڕۆژەی هێڵی 400 کەی ڤیی پاڵەپەستۆی بەرزی تورکیا- هەرێمی کوردستان – عێراق بەدەست بهێنێت.