لە بارەی شەپۆلێکی ديکەی بەفربارين روونکردنەوە دەدرێت
دیمه‌نێكى شه‌پۆلى به‌فربارین له سلێمانى | فۆتۆ: SNN
SNN
بەڕێوەبەری کەشناسی سلێمانی رايگەياند: بەپێی پێشبينييەکانی کەشناسی جيهانی کۆتای ئەم هەفتەيە شەپۆلێکی ديکەی بەفربارين روو لە هەرێم دەکات، بەڵام کەشوهەوا بە خێرايی دەگۆڕێت جارێ بە فەرمی راگەیاندراومان نابێت.
ئاسۆ کەمال بەڕێوەبەری کەشناسی سلێمانی لە لێدوانێکی ميديايدا رايگەیاندووە: ئەگەری هاتنی شەپۆلێکی دیکەی بەفربارین دەکرێت لە کۆتایی هەفتەی داهاتوو، بەڵام کەش و هەوا بەشێوەیەکی خێرا دەگۆڕێت و زانیارییەکان بەردەوام نوێدەکرێنەوە و جارێ بە فەرمی راگەیاندراویان نابێت.
ئاماژەی بەوەشداوە: لە سەرەتای هەفتەی داهاتووەوە لە رۆژدا پلەکانی گەرما دوو بۆ سێ پلە لە بەرزتردەبنەوە و لەشەودا پلەکانی گەرما لە نزمیدا دەمێننەوە.
بەڕێوەبەری کەشناسی سلێمانی وتیشی: لەناو رۆژژمێری کوردیدا ئەم مانگە بە رێبەندان ناوهێندراوە، ئەمەش ئاماژەیەک بووە بەوەی کەش و هەوا ناجێگیردەبێت و پلەکانی گەرما بەردەوام نزمدەبنەوە و وەرزی بەفر و بارانبارینە.
